ҚР Қарулы күштері әуе қорғанысы күштерінің офицерлері өзгертілген аттестациядан өтуде
Атап айтқанда, бірнеше әскери бөлімдерде пилоттық рейтингтік бағалау жүйесі сыналды. Ол балл жинау арқылы жеке қасиеттерін, мүмкіндіктерін, қызметтік іс-қимыл нәтижелерін бағалауға негізделеді. Осылайша әрбір офицердің өзіндік мінездемесі мен шынайы бейнесі байқалады.
Сонымен қатар, алғаш рет әскери қызметшілердің аттестациясы кезінде арнайы психологиялық тестілеу және аттестацияланған офицердің сыбайлас жемқорлыққа қарсы күреске қосқан үлесін анықтау үшін осы саладағы заңнаманы меңгеруін тексеру енгізілді.
Бүгінгі күні ҚР ҚК Әуе қорғанысы күштерінде батальон командирлерінің орынбасарлары және оған теңестірілген лауазымдарда әскери қызмет өтеп жүрген барлық офицерлер аттестациядан өтті. Естеріңізге сала кетсек, биыл Қазақстанның Қарулы Күштеріндегі офицерлерді аттестациялау екі кезеңде өтеді. Бірінші кезең, 12 қаңтар мен 1 маусым аралығында батальон (дивизион) командирлері, бөлімдер мен командирлер орынбасарлары аттестациядан өтсе, ал екінші кезең, 1 маусым мен 1 қараша аралығында барлық қалған офицерлік құрам аттестациялаудан өтетін болады.
