Бухарестте Қазақстан мен Румыния арасындағы сауда-экономикалық ынтымақтастықты дамыту мәселелері талқыланды

4 Сәуір, 2015 10:36

ҚР Румыниядағы Елшісі Дәулет Батырашевтың Румынияның экономика, сауда және туризм министрі Михай Тудосемен кездесуі өтті. Кездесу барысында екіжақты сауда-экономикалық ынтымақтастығының қазіргі жай-күйі мен даму әлеуеті, сондай-ақ екіжақты диалогын тереңдету жөніндегі келешек қадамдары мен оны әртараптандыру жолдары талқыланды, деп хабарлады ҚР СІМ.

Қазақстанның Жаңа экономикалық саясаты «Нұрлы Жол» орындау шеңберінде, басым бағыттар қатарында өнеркәсіп, мұнай-газ жабдықтары және көліктік-транзит салалары белгіленді. Екі елде де дамуына үлкен мән берілетін туристік өнеркәсібі бағыты бойынша да ықпалдастықтың зор мүмкіндіктері бар.

Қазақстан мен Румыния арасындағы сауда айналымын ұлғату қажеттігі атап өтілді. Бұл тұрғыда, сұхбаттасушылар екі елдердің іскерлік топтары арасындағы байланыстарды, соның ішінде сауда-өнеркәсіп палаталарының желісі бойынша ұлғайту мен нығайту қызығушылығын танытты. Осы орайда, ү. ж. мамырда Бухарестте кезекті отырысының өткізілуі жоспарланған Сауда-экономикалық пен ғылыми-техникалық ынтымақтастығы жөніндегі қазақстандық-румын Үкіметаралық комиссиясының рөлі атап өтілді. Сонымен қатар, іскерлік байланыстарды жандандыруға қосымша серпін беретін екіжақты бизнес-форумдарды өткізу болатындығы да айтылды.

Румынияның экономика министрі өзара тиімді мен ұзақ мерзімді негізінде Қазақстанмен кең ауқымды ынтымақтастығына құштарлығын құптай отырып, елдеріміз арасында стратегиялық серіктестік құруына елеулі әлеуетін атап өтті.

М. Тудосе Румынияның географиялық орнын, ірі кеме жүретін өзендер мен теңіз порттарының және де тиісті көліктік күре жолдарын атап өтіп, осы әлеует қазақстандық тауарлардың транзитіне зор мүмкіндік беретіндігін айтып, Румыния «Қазақстанның Еуропаға барар қақпасы» бола алатындығын атап өтті.

Д. Батырашев, өз кезегінде, «Қазақстан-2050» Стратегиясы және «Нұрлы Жол» Қазақстанның Жаңа экономикалық саясатына сәйкес еліміздің индустриалды-инновациялық даму басымдықтарымен таныстырды.

Қазақстан Елшісі еліміз кешендік жаңғырту бағдарламаларын іске асыра отырып, әлемнің алдыңғы қатарлы тәжірибесі мен инновациялық технологияларын Қазақстанға тартуына үлкен мән беріп, өзара тиімді ынтымақтастыққа қолайлы жағдай жасайтындығын айрықша айтып өтті.

Қазақстан Президентінің халықаралық бастамаларын қолдауына алғысын білдіріп, ҚР Елшісі Румыния өкілдерін Астанада өткізілетін ЭКСПО-2017 Халықаралық мамандандырылған көрмесінің жұмысына белсенді қатысуына шақырды. Сонымен қатар, Румынияның Экономика министріне ү.ж. мамырда өтетін VIII Астана экономикалық форумына шақыруы табыс етілді.

Барлық жаңалықтар