Бүкіләлемдік Универсиада-2015 жарысының жүлдегерлері марапатталды (ФОТО)

«Бұқаралық спорт пен жоғары жетістіктер спорты кешенді, жүйелі көзқарасты қажет етеді. Өйткені тек денсаулығы  мықты ұлт қана бәсекеге қабілетті бола алады»,-деді Мәдениет және спорт министрі Арыстанбек Мұхамедиұлы.

2015 жылы өткен XXVII Бүкіәлемдік қысқы Универсиадаға Қазақстан құрамасында 7 спорт түрінен 93 спортшы қатысты.   

Жалпы алғанда, өткен Универсиадада 43 мемлекеттен барлығы 1 мың 500-ден астам спортшы-студент қатысты. Қазақстандық спортшылар еліміздің абыройын Универсиада аренасында лайықты қорғай білді.

Студенттік спорттың тарихында жалпыкомандалық есепте Қазақстан  құрамасы алғаш рет Ресей мен Оңтүстік Кореядан кейін 3-ші орынды жеңіп алды. Нәтижесінде еліміздің  құрамасы 5 алтын, 6 күміс медальды жеңіп алды. Келесі Универсиада 2017 жылы өтеді.   

Камила Амирова

Фото Азамата Алиева