«Нұрлы жол» бағдарламасын жүзеге асыру үшін «KEGOC» АҚ қаржыны шетелдік валютада алудан бас тартады
3 Сәуір, 2015 16:07
Биыл «Нұрлы жол» бағдарламасын жүзеге асыру үшін «KEGOC» АҚ қаржыны шетелдік валютада алудан бас тартады. Бұл туралы бүгін Орталық коммуникациялар қызметіндегі брифингте аталған компанияның басқарма төрағасы Бақытжан Қажиев мәлімдеді.
«Нұрлы жол» бағдарламасы аясында жобаларды жүзеге асыру үшін жеке қаржымызды пайдаланамыз. Сонымен қатар қаржыны шеттен алатын болсақ, оны тек теңге түрінде ғана тартамыз деп қарастырып отырмыз. Бүгінде компанияның валюталық қарызы 580 млн. долларды құрап отыр»,- деді Қажиев.
Осы орайда «KEGOC» басшысы атап өткендей, «КEGOC» АҚ-да шетелдік валютадағы займдары шамамен 580 млн теңгені құрап отыр.
«Бізде валюталық қарыз бар және валютаның инвертирін тек қарыздарды жабуға пайдаланудамыз. Бүгінде «КEGOC» АҚ-да шетелдік валютадағы займдары шамамен 580 млн. теңге көлемінде қалды. Сонымен бірге болып жатқан конверсия спекулятивті мәнге ие емес. Біз займдарды жабу үшін ғана қажетті валютаны конвентирден өткізудеміз», - деді ол.
