2018 жылы Қазақстанда жоғарғы лимитті Солтүстік-Шығыс –Оңтүстік транзитінің құрылысы аяқталады

«Қазақстандық ірі ауқымды «500 кВ Солтүстік-Шығыс –Оңтүстік  транзитінің  құрылысы» жобасы 2018 жылы аяқталады, жобаның жалпы құны 120 млрд теңге, жоба маңызды әлеуметтік маңызға ие – құрылыс кезінде 1800-ге жуық жұмыс орны ашылады, құрылыс аяқталған соң 97 адам тұрақты жұмыс орнымен қамтылады», - деді Б.Қажиев.

Оның айтуынша,қазір 130 шақырым линия салынды, 730 тірек, 130 шақырым өткізуші жөнделді, «Семей» станциясы бекетінің құрылысы аяқталды.

«Қазір қондырғылардың монтажы басталды, осы жылдың жоспары бойынша тағы 500 кВТ 200 шақырым желі  салу жоспарланған. Қазіргі таңда жолдың келіссөздері жүрді, жобалық-сметалық құжатнаманы дайындау және осы жылы құрылыс-монтаждық жұмыстар Талдықорғаннан Алматыға дейін жүзеге асады», - деді ол.

Айта кетейік, қазiргi уақытта «Нұрлы жол» жаңа экономикалық саясаты жүзеге асып жатқаны белгiлi. Аталған бағдарламалық құжатта Мемлекет басшысы «КЕGOC» компаниясына «Екiбастұз-Семей-Өскемен»және «Семей-Ақтоғай-Талдықорған-Алма» бағыттарында жоғары вольттық желiлер салу мiдетiн қойды. Аталған екi желi 2014 жылдан iске асырыла бастаған «500 кВ-тық Солтүстiк-Шығыс-Оңтүстiк» транзитiнiң құрамдас бөлiктерi болып табылады.

Анар Тәңірқұлова