• Басты
  • Қазақстанда тұрғындардың қаржылық сауатын арттыруға бағытталған арнайы әлеуметтік желінің таныстырылымы жасалды (ФОТО)
3 Сәуір, 2015 12:46

Қазақстанда тұрғындардың қаржылық сауатын арттыруға бағытталған арнайы әлеуметтік желінің таныстырылымы жасалды (ФОТО)

Қазақстанда азаматтардың қаржылық сауатын арттыруға бағытталған www.1ccc.kz арнайы әлеуметтік желісі пайда болады, деп хабарлады «Қаржы академиясы» акционерлік қоғамының ректоры, Халықаралық «Еуразия» академиясының академигі Ольга Яновская Орталық коммуникациялар қызметінде.
Қазақстанда тұрғындардың қаржылық сауатын арттыруға бағытталған арнайы әлеуметтік желінің таныстырылымы жасалды (ФОТО)

Тұрғындардың қаржылық сауатын арттыру үшін  арнайы www.1ccc.kz бағдарламасы жасалды. Аталмыш бағдарлама кәсіпкерлер мен салық төлеушілерге және қызығушылық танытқан барлық азаматтарға, қаржы саласындағы кең ауқымды мәселелер бойынша онлайн режимінде ресми түсіндіру жұмыстарын жүргізеді.       

«Аталмыш әлеуметтік желінің ерекшелігі ол қажетті ақпаратты дәл әрі қажет кезінде алуға мүмкіндік береді. Жобаның мақсаты - Қазақстан тұрғындарының қаржылық сауатын арттыру. Яғни, осы желі арқылы кез-келген азамат жекешелендіру, заңдастыру, бухгалтерлік және аудиторлық есеп, салық, кеден заңнамалары мен электронды сатып алу мәселелері бойынша тиіс ақпараттарды ала алады»,-деді О.Яновская.

Оның сөзінше, бүгінгі таңда жастар, жалпы тұрғындардың басым бөлігі уақыт өткен сайын қаржы мәселелерімен көбірек айналысуда. Портал арқылы тұрғындардың қаржылық сауаттылықтарын артттыру бағытындағы заң жобаларын да талқылауға болады.  

«Желіге тіркелген кез-келген азамат қаржы және қаржы заңнамалары бойынша өзін қызықтырған кез-келген сауалға жауап ала алады. Порталда біз ақпараттарды бейнелекция, инфографика түрінде береміз, сонымен қатар онлайн конференциялар мен трининг, семинарлар да ұйымдастырамыз»,-деді ректор.   

Бұған қоса, О.Яновская қаржы мәселелерін телефон арқылы алғысы келетін азаматтар үшін «шұғыл желінің» де жолға қойылғандығын атап өтті.

Индира Кауметова

​Фото Азамат Алиев

Барлық жаңалықтар