БҚО-да құны 2 миллиард теңге тұратын ет өңдейтін кешен іске қосылды

Облыстық ішкі саясат басқармасының хабарлауынша, осылайша елімізде алғаш рет шикізатты өңдеу мен өнімнің сапасы жөнінен халықаралық талаптарға сай келетін, күш-қуаты осыншалықты зор құрылғы іске қосылды. Жалпы алғанда, жобаның құны 2 миллиард 800 миллион теңгені құрады, оның 1,6 миллиард теңгесі құрылғыны сатып алуға жұмсалды. Қаржыландыру «ҚазАгроФинанс» акционерлік қоғамы арқылы жүргізілді.     

Хабарламада бұзау етін оны союдан бастап, орауға дейінгі аралықты қамтитын үдерістердің барлығын орындай алатын кешеннің іске қосылғандығы айтылған. Зауыт жылына 5 мың тоннаға дейін ет өңдей алады. Кешен жұмысына 120 адам тартылған, ал ол өзінің толық қуатына кіріскенде мұнда 285 адам жұмыс істейтін болады. Қазіргі таңда аталмыш кешенде өндірілетін өнімнің 70 пайыз дайын өнімі экспортқа жіберіледі деп жсопарлануда.