Ішкі нарық қазақстандық етпен толық қамтылған – Мамытбеков
3 Сәуір, 2015 11:49
Ішкі нарық толық қазақстандық етпен қамтылған, деді ауыл шаруашылығы министрі Асылжан Мамытбеков қазақтың ақбас сиыры иелері палатасының отырысында.
«Қазақстанда 2,5 млн тұқымды ірі қараның 600 мың басы жаңа тұқымды пайда қылуға араласады. Мал басы күн санап емес, сағат санап өсуде. Осындай жолмен бізде экспорт пайда болып, ішкі нарық етпен толық қамтылды. Сөрелерде импорт еті жоқ. Егер импортталатын болса да, тек технологиялық мақсатта – шұжық, консерві», - деді А.Мамытбеков.
Министрдің пікірінше, бұл асыл тұқымды малдардың пайда болуы ауыл шаруашылығында сұранысқа ие болуда.
Ведомство басшысы атап өткендей, Қазақстанда қазақ ақбас сиырының көбеюі 50 пайызға өсті.
Жалпы, ақбас сиырын көбейтумен 7200 шаруашылық айналысады, онда 217 930 мал басы бар. Елде ақбас сиырдың еті барлық үлестің 61,4 пайызын құрайды.
Камила Амирова
