ИИДМБ: Ақмола облысының Ақкөл ауданында 4 индустриалды жоба жүзеге асырылды

Орталықтың хабарлауынша, Индустрияландыру картасының бесжылдығының аясында Ақкөл ауданынан  құны 8 миллиард 55 миллион теңге болатын 5 жоба қосылып, олардың 4 жобасы жүзеге асырылып, оның аясында 185 жаңа жұмыс орны ашылды.

Сондай-ақ ауданда жылына 90 миллион жұмыртқа шығара алатын «Үшбұлақ-2005» ЖШС құс фабрикасы іске қосылды. «Eco Product» ЖШС жылу кешені де Индустрияландыру картасына енгізілген. Бұл кешен жылына 2 мың 200 тонна қияр мен қызанақ өндіреді.    

Биылғы жылдың екі айында «Қомпания Казлес» ЖШС жаңа технологияларды қолдану арқылы 26 миллион теңге болатын 341 текше метр ағаш өнімдерін өндірген. Аталмыш кәсіпорын жылына 5 мың текше метр  ағаштан жасалған бұйымдар дайындамақшы.   

Сонымен қатар, хабарламада «Жұмыспен қамтудың жол картасы - 2020» бағдарламасының аясында Ақкөл қаласының Мәдениет үйінің күрделі жөндеуден өтіп, бағдарламаның 9 қатысушысы  шағын несиелер алатындығы айтылған.   

Денсаулық сақтау саласы бойынша, Минское ауылында медициналық нысан салу жоспарлануда және Малый барап ауылындағы медициналық тірекке күрделі жөндеу жүргізіледі.