Ақмола облысының Жарқайың ауданында кәсіпкерлікті қолдау орталығы ашылды

Кәсіпкерлікті қолдау орталықтары кәсіпкерлерге «жалғыз терезе» қағидаты негізінде қызмет көрсететін болады. Нақтырақ айтқанда, онда кәсіпкерлерге маркетинг, заңнамалар мен кедендік рәсімдеу шаралары, есепшілік қызмет сияқты салалар бойынша білікті консультациялық көмектер беріледі. Бұған қоса, кәсіпкерлер мұнда мемлекеттік қолдаудың барлық құралдары жөнінде ақпараттандырылып, біліктіліктерін арттырады.     

«Жалғыз терезе» қағидатының мүлтіксіз орындалуын қамтамасыз ету үшін кәсіпкерлерге қызметті «ҚазАгроМаркетинг» акционерлік қоғамының аймақтық палатасының, Тұрғындарға қызмет көрсету орталықтарының, жер қатынастары, архитектура және қала құрылысы бөлімдерінің өкілдері көрсетеді. Ал, тұрғындарды кәсіпкерлік қызметті меңгеруге үйрету үшін әрбір орталықтың жанынан «Кәсіпкерлік мектептері» ашылады»,-деді Ақмола облыстық кәсіпкерлер палатасының Жарқайың аудандық филиалының директоры А.Сұрағанов.   

«Бизнестің тірегі болып табылатын мұндай орталықтарды үлкен жетістік деуге болады. Бүгінгі біз қатарынан бірнеше жағымды жаңалықты естідік. Біріншіден, орталықтың ашылуының өзі жақсы  жаңалық, өйткені әкімшілік кедергілер азаяды.  Екіншіден, біз мемлекеттік қолдаудың көптеген құралдары туралы естіп-біліп жатырмыз», - дейді бүгінгі шараға қатасты өзінің ойымен бөліскен жарқайыңдық кәсіпкер Л.Витковская.

Ақмола облысында бүгінгі таңда 11 кәсіпкерлікті қолдау орталығы бар. Орталықтарға 2-30 наурыз аралығында 250-ден астам кәсіпкер қайырылған. Олардың басым көпшілігінің көтеретін мәселелері жер қатынастары мен әкімшілік кедергілерге, «Бизнес-Кеңесші» және өзге де жобалар бойынша оқытатын бағдарламаларға қатысты болды.