ИИДМБ: Қазақстан мен Беларусь ОҚО-да өрт сөндіруге арналған көбік шығарғыш өндірісін жүзеге асырмақ

Қазақстанның индустриалдық-инновациялық дамуға бағытталған бағдарламалық шараларын іске асыру үшін ҚР  ІІМ Төтенше жағдайлар комитетінің «Өрт сөндіруші» АҚ Президенті С.Қ. Оқасов және «ПОЖСНАБ-АСТАНА» Бірлескен кәсіпорны» ЖШС Бас директоры  А.Ф. Әбдіхалықов өзара тиімді ынтымақтастық, өздерінің кәсіпорындарының экономикалық және ғылыми-техникалық әлеуетін ұтымды пайдалану мақсатында Оңтүстік Қазақстан облысындағы «Оңтүстік» индустриалды аймағының аумағында өрт сөндіруге арналған көбік шығарғыш өндірісін ашу жобасын бірлесіп іске асыру Меморандумына қол қойды.

Отандық көбік шығарғыш өндірісін ашу өрт сөндіруге қажетті ішкі нарықты қамтамасыз етуге және ол өнімді көрші мемлекеттерге жеткізуге мүмкіндік береді.

Бұл өнім жаңа жұмыс орындарын ашуға да, халықты жұмыспен қамтуға және «Жұмыспен қамту 2020 Жол картасы» бағдарламасын іске асыруға ықпал ететін болады.