ИИДМБ: Павлодар облысында 2015 жылы агрохимиялық өнім өндіру саласында 2 жоба іске қосылады

3 Сәуір, 2015 11:06

Биыл АЭА аумағында агрохимиялық өнім өндіру жөніндегі 2 жобаны іске қосу жоспарланып отыр, оның ішінде «УПНК-ПВ» ЖШС жобасының екінші кезеңін іске қосу да бар. Атап айтқанда,«АгроХимПрогресс» ЖШС жобасының бірінші кезеңін пайдалануға беру жоспарланып отыр, деп хабарлады облыс әкімдігі.

Павлодар облысында «Павлодар» арнайы экономикалық аумағы аясында 6 жоба қарқынды жүзеге асырылуда.

«Инвестициялар көлемі 3 276 млн. теңгені құрап отыр. Жобалық қуаттылығы – жылына 11 мың тонна, оның ішінде: эфир 95%-дан кем емес – жылына 1 мың тонна, обыр шегіртке мен зиянкестерге қарсы биопрепараттар – жылына 1 мың тонна; глифосат қышқылы 95%-дан кем емес – жылына 5 мың тонна; гербицидтер, фунгицидтер, инсектицидтер (өсімдіктерді қорғауға арналған құралдар) - жылына 4 мың тонна. Іске қосылу кезеңіндегі жұмыс орындар саны – 118 адам», - делінген хабарламада.

Бүгінгі таңда №1, №2 цехтерде құрал-жабдықтарды орнату жұмыстары аяқталып, қосу-реттеу жұмыстары жүріп жатыр. Сондай-ақ мемлекеттік қабылдау комиссиясының жобаны пайдалануға беру жөніндегі актіне қол қою жұмыстары жүруде.

«Kazakhstan Chemical Company» ЖШС жобасын іске қосу осы жылдың 4-тоқсанына жоспарланып отыр.

Инвестициялар көлемі – 2 100 млн. теңге. Жобалық қуаттылығы – жылына 30 000 тонна ПВХ бұйымдары; полипропилен тұрбалар мен фитингілер – жылына 5 000 тонна; антифриз – жылына 1 100 000 тонна, ИОМС – жылына 300 тонна. Іске қосылу кезеңіндегі жұмыс орындар саны – 150 адам.

Қазіргі уақытта мемлекеттік қабылдау комиссиясының жобаны пайдалануға беру жөніндегі актіне қол қою жұмыстары жүруде.

Сондай-ақ АЭА аумағында келесі жобалар іске асырылуда: каустикалық сода, хлор, натрий гипохлоритін және тұз қышқылын өндіру жағынан негізгі кәсіпорын «Каустик» АҚ. Инвестиялар көлемі – 16 200 млн. теңге. Іске қосылу кезеңіндегі жұмыс орындар саны – 540 адам; «Белизна» ЖШС – тұрмыстық химия өнімдерін өндіру жөніндегі жоба. Инвестициялар көлемі – 276 млн. теңге. Іске қосылу кезеңіндегі жұмыс орындар саны – 10 адам; «БО-НА» ЖШС – залалсыздандыру құралдарын өндіру жөніндегі жоба. Инвестиция көлемі – 120 млн. теңге. Іске қосылу кезеңіндегі жұмыс орындар саны – 15 адам; «УПНК-ПВ» ЖШС – қыздырылған мұнай таскөмірі өндірісі. Инвестиция көлемі – 16 800 млн. теңге. Жобалық қуаты – жылына 205 мың тонна қыздырылған мұнай таскөмірі. Іске қосылу кезеңіндегі жұмыс орындар саны – 365 адам.

2014 жылғы 15 желтоқсанда «УПНК-ПВ» ЖШС-ның «салқын іске қосу» жобасының іске асырылған бірінші кезеңі іске қосылды. Жобаның екінші кезеңін іске қосу 2015 жылдың 3-тоқсанына жоспарланып отыр. Кәсіпорын толық қуатқа 2015 жылдың 4-тоқсанында шығады деп күтілуде.

Жоғарыда атап өтілген 6 жоба бойынша инвестициялардың жалпы көлемі 39,9 млрд. теңгені құрайды, ал құрылған жұмыс орындарының саны 1 000-нан аспақ.