• Басты
  • «Астана» өңірлік қолбасшылығы 2015 жылғы І тоқсанның қорытындысын шығарды (Фото)

«Астана» өңірлік қолбасшылығы 2015 жылғы І тоқсанның қорытындысын шығарды (Фото)

3 Сәуір, 2015 08:34
«Астана» өңірлік қолбасшылығы әскерлерінің қолбасшысы генерал-майор Сұлтан Қамалетдиновтың төрағалығымен Қарағанды қаласындағы «Астана» өңірлік қолбасшылығында ағымдағы жылдың бірінші тоқсанындағы әскери іс-қимыл қорытындысы шығарылды.

Қорғаныс министрлігі, өңірлік қолбасшылығы жеке құрамға тактикалық, мемлекеттік-құқықтық даярлық пен офицерлік және сержанттық құрамды психологиялық тестілеуі бойынша нәтижелерін жеткізді.

Бірінші тоқсанның қорытындысы бойынша 31775 әскери бөлімі 1-орынға ие болса, ал үздік бөлімше командирі атағын 1 мотоатқыш батальонының командирі кіші сержант А.Қожақанов иеленді. «Астана» өңірлік қолбасшылығы әскери даярлық, жұмылдыру даярлығы, жауынгерлік әзірлік, әскери қызмет, әскери тәртіп пен құқық тәртібінің жай-күйі және басқа да пәндер бойынша бағаланды.

 Естеріңізге сала кетсек, Өңірлік қолбасшылық құрамына Әуе қорғанысы күштері әскерлері мен орталық бағынысты бөлімдерін қоспағанда, белгіленген аймақтарда орналасқан әскери бөлімдер кіреді. Оның аумағы Ақмола, Қарағанды, Қостанай және Солтүстік Қазақстан облыстарын қамтиды.

 

Барлық жаңалықтар