Шығыс Қазақстан облысында «Нұрлы жол» бағдарламасы аясында 747 жаңа жұмыс орны ашылады
2 Сәуір, 2015 16:41
Шығыс Қазақстан облысында «Нұрлы жол» бағдарламасының аясында 747 жаңа жұмыс орны ашылады, деп хабарлады Парламент Мәжілісінің депутаты Асқат Бекенов Орталық коммуникациялар қызметіндегі баспасөз-мәслихатында.
«Нұрлы жол» Жолдауының аясында Қазақстанның шығыс бөлігінде, нақтырақ айтқанда, Семей, Өскемен, Ақтоғай бағытында электроэнергетикалық жобалар ашу жоаспарланған. Аталған жобаларды жүзеге асыру мерзімі 2 жылға созылады. Сондай-ақ 747 жаңа жұмыс орнын ашу көзделіп отыр»,-деді А.Бекенов.
Депутаттың сөзінше, жақын болашақта еліміздің аймағында «Солтүстік-Оңтүстік» электроэнегретикалық желісі жұмыс істейтін болады. Соған қарай тағы жаңа жұмыс орындары ашылатын болады.
«Президенттің «Нұрлы жол» бағдарламасы аясында алдыға қойылған міндеттер жүзеге асырылып, қаржылық жағынан нығайтылады»,-деді А.Бекенов.
«Бұған қоса Балқаш ЖЭО-ның іске қосылуына орай, еліміздің оңтүстік өңірлеріндегі энергетикалық зәрулік жойылады»,-деп жалғады депутат.
