Қазақстанның көпұлтты театр өнері 6 тілде өнер көрсетеді – Мырзашева

2 Сәуір, 2015 15:06

Бүгiнгi Қазақстанда 52 мемлекеттiк театр қызмет атқарады, деді ОКҚ брифингінде ҚР Мәдениет және спорт министрлігі мәдениет және өнер департаментінің кинематография және театр өнері басқармасының сарапшысы Гульнафис Мырзашева.

«Бүгiнгi Қазақстанда 52 мемлекеттiк театр қызмет атқарады. Соның iшiнде, театр өнерiнде өзгешелiгiмiз ерекше. Қазақстанда орыс және қазақ театрларынан басқа әлемдегi жалғыз ұйғыр театры жұмыс iстейдi. Қазақстан театрлары 6 тiлде сөйлетiнiн бiз әрқашан мақтан етемiз. Өйткенi, ол көпұлтты мемлекетiмiздiң өнерiн насихаттауға осы театрлардың қосып жатқан үлесi зор», - деді Г.Мырзашева.

Сарапшы атап өткендей, әрбір театр тек қана өзінің авторларының қойылымдарын ғана емес, қазақстандықтардікін де қояды.

Театрлар шет мемлекеттерде өздерінің тілдерінде қазақстандық авторлардың қойылымдарын қояды. «Мәселен, Корей Республикалық музыкалық комедия театры өз отандарында Дулат Исабековтың «Мұрагерлер» қойылымын қойған болатын», - деді ол

Айта кетейік, сәуiр айының 5-11 арасында Шымкент қаласында Қазақстанның этностық театрларының III республикалық фестивалi өтедi