ҚР-ның Президенті Испанияның экс-Премьер-министрін қабылдады
8 Қазан, 2013 17:05
Бүгін, 8 қазан Қазақстан Президенті Нұрсұлтан Назарбаев Испания Корольдігінің экс-Премьер-министрі Хосе Мария Аснарды қабылдады, деп Ақорданың баспасөз қызметі хабарлады.
«Қазақстан Президенті Нұрсұлтан Назарбаев VIII KazEnergy Еуразиялық форумына қатысу үшін келген Испания Корольдігінің экс-Премьер-министрі Хосе Мария Аснарды қабылдады»,-деп хабарламада нақтыланған.
Әңгімелесу барысында екіжақты ынтымақтастықты дамытудың негізгі аспектілері мен екі елдің бизнес-қоғамдастығы арасындағы өзара іс-қимыл аясын кеңейтудің келешегі талқыланды.
