Қазақстанда жасалған: БҚО-да отандық өнім өндірушілердің 6 жәрмеңкесі өтті

«Апта сайын ұйымдастырылатын жәрмеңке тауар өндірушілер үшін үлкен мүмкіндік. Өйткені олар тауарлары арқылы өздерінің мүмкіндіктерін жария ете алады, сондай-ақ ол тұрғындар үшін де маңызды. Олар сапалы, жаңа өндірілген өнімдерді базар бағасынан төмен бағамен сатып алуға мүмкіндік алады.   

«Бүгінгі таңда ұн, макарон өнімдері, өсімдік майы, жұмыртқа, құс еті, сүт пен сүт өнімдері, майонез, консерві, балық өнімдері, шұжық пен кондитерлік өнімдер, сусындар, бал, көкөністер сияқты 500-ден астам тауар түрінен 6 жәрмеңке ұйымдастырылды. Жәрмеңкелердегі тауарлардың бағасы қаланың өзге базарларындағы бағалардан 10-15 пайызға төмен. Ал әмбебап дүкендердегі бағадан 24 пайызға арзан»,-делінген хабарламада.  

Ұйымдастырушылардың айтуларынша, жәрмеңке ұйымдастырылған уақытта оған 90 мыңға жуық қала түұрғындары мен облыс тұрғындары келіп, жәрмеңкеден түскен жалпы қаржының көлемі 12 миллион теңгені құрады. «Қазақстанда жасалған» акциясына «Қазақстан-2050» республикалық қозғалысынан еріктілер де жұмылдырылды.