Мемлекет басшысы Францияның экс-Премьер-Министрін қабылдады
8 Қазан, 2013 16:38
Бүгін, 8 қазанда Қазақстан Республикасы Президенті Нұрсұлтан Назарбаев KazEnergy VIII Еуразиялық форумына қатысуға келген Францияның экс-Премьер-Министрі Франсуа Фийонаны қабылдады, деп хабарлайды Ақорданың баспасөз қызметі.
«Қазақстан Республикасы Президенті Нұрсұлтан Назарбаев KazEnergy VIII Еуразиялық форумына қатысуға келген Францияның экс-Премьер-Министрі Франсуа Фийонаны қабылдады. Кездесу барысында Мемлекет басшысы екі ел арасындағы жоғары дәрежелі сауда-экономикалық байланыс пен оның даму келешегінің мол екенін айтты», - делінген хабарламада.
Елбасы сонымен қатар, тауар айналымы бойынша Франция Еуроодақ елдері ішінде Қазақстанның ең ірі әріптестерінің бірі болып саналатынын мәлімдеді. Бүгінге дейін экономиканың әр түрлі салалары бойынша 25 біріккен кәсіпкерлік өз қызметтерін жасап жатыр.
Бұдан бөлек, кездесуде екі елдің іскер орталарының өзара біріккен жұмыстарын кеңейту мәселесі талқыланды.
