Ақтөбе облысында 457 мың шаршы метр тұрғын үйді пайдалануға беру жоспарлануда

2 Сәуір, 2015 14:51

Өңірлерді дамыту -2020 бағдарламасының аясында биыл Ақтөбе облысында 457,4 шаршы метр тұрғын үй пайдалануға беріледі, деп хабарлайды аймақтың ішкі саясат басқармасы.

Басқарма таратқан ақпараттар бойынша, бұл тұрғын үйлердің арасында тұрғын үй жинақ жүйесі арқылы несиеге берілетін, жергілікті атқарушы органдарда кезекте тұрған азаматтарға жалға берілетін, жас отбасыларға кейін сатып алу үшін жалға берілетін, сондай-ақ «Қазақстандық несие компаниясы» акционерлік қоғамы арқылы берілетін жеке және коммерциялық үйлер бар.

Хабарламада айтылғанындай, аймақта өндіріс саласында айтарлықтай өзгерістер бар, жаңа әлеуметтік нысандар мен құрылыстар бой көтермек. Осы мәселелерді шешу мақсатында ҚР Ұлттық қорынан 9,5 миллиард теңге көлемінде мақсатты трансферттер бөлінді.

2015 жылы республикалық бюджет есебінен несиелік тұрғын үй салу бойынша «Нұр Ақтөбе» шағын ауданынан 3 көппәтерлі тұрғын үй салу жоспарлануда. Өз кезегінде ол 540 отбасын барлық мүмкіндіктер жасалған пәтерлермен қамтамасыз етуге мүмкіндік береді. Бұл мақсатқа 1,98 миллиард теңге көлемінде қаржы қарастырылған.

Жас отбасыларға арналған жалдамалы пәтерлер тек облыс орталығында ғана салынады. Осындай 324 пәтерлі тұрғын үй биылғы жылдың төртінші тоқсанында пайдалануға берілмек.

2015 жылы инженерлік желілерді орналастыру үшін республикалық бюджеттен 434,2 миллион теңге қарастырылған. Ал жалдамалы үйлердің инженерлік-коммуникациялық желілерін салу үшін Ұлттық қордан 329,3 теңге бөлінбек.

Барлық жаңалықтар