• Басты
  • Бастауыш сынып ұстаздарына арналған республикалық семинарға 110-нан астам педагог қатысты (ФОТО)

Бастауыш сынып ұстаздарына арналған республикалық семинарға 110-нан астам педагог қатысты (ФОТО)

2 Сәуір, 2015 10:28
Көкшетауда «Сабақ барысында критериалдық бағалауды қолдану» тақырыбында өткен, бастауыш сынып ұстаздарына арналған республикалық оқыту семинарына Астана мен Алматы қалаларын қоса алғанда елімізідң 16 аймағындағы 30 ілкі мектептен 112 педагог қатысты, деп хабарлайды Ақмола облысының ішкі саясат басқармасына қарасты «Ақмола Медиа Орталығы».

Семинар «Назарбаев Зияткерлік мектептері» ұжымының бастамасымен білім берудің жаңартылған жүйесін нақтылау жөніндегі ілкі жобаның аясында бастауыш сынып мұғалімдеріне сабақ өткізу барысында критериалды бағалау жүйесін қолдануды үйретуге бағытталған.   

Семинар барысында «Оқушылардың оқу барысындағы жетістіктерін бағалау үшін критериалды бағалауды қолдану» жүйесінің таныстырылым өтіп, педагогтардың сауаттылықты арттыру, математика, музыка, ағылшын, орыс тілдерін үйрету сабақтарында критериалды бағалу жүйесін қолдану жөнінде шеберлік сабақтары ұйымдастырылды. Жалпы алғанда семинарда бастауыш сынып ұстаздары критериалдық бағалау жүйесіне қатысты кең ауқымды мәліметтерден қанығып, оны сабақ барысында қолданудың іс-жүзіндегі тәжірибесін көрді.

Семинар соңында өзара пікір алмасылып, жиынға қатысушылардың барлығына электронды түрдегі материалдар таратылды.  

 

 

 

Барлық жаңалықтар