Мажарстан қазақстандық студенттерге арналған гранттар санын 200-ге дейін арттырмақ

«Мен сіздерді бүгін өзімнің Қазақстан Президенті Нұрсұлтан Назарбаевпен келіссіздер жүргізгенім жөнінде хабардар еткім келеді.  Біз жаңа виза режимі бойынша келісім жасағалы отырмыз. Қазақстан Президенті  Мажарстан азаматтарының осы елге визасыз келуіне келісті.  Біз Шенген режимінің аясында қазақстандықтардың да Мажарстанға  келуін  жеңілдетуге тырысамыз», - деді В.Орбан Астанадағы бизнес-форум барысында. 

Бұған қоса, мейманның сөзінше, келіссөздер барысында авиация саласы бойынша да келісімдер жасалған. Яғни болашақта Қазақстан мен Мажарстанның ірі  қалаларынан тұшақпен тікелей ұшып келуге мүмкіндік туады деген сөз.  

«Бүгін біз сонымен қатар Қазақстан мен Мажарстанның бизнес қауымдастықтарының қарым-қатынастарын жетілдіру мақсатында капиталдандыру қорын құрып, оған екі тарап та 20 миллион доллардан бөлетін болды. Сонымен қатар, мен Мажарстанда білім алу үшін қазақстандықтарға бөлінетін гранттар санын 44-тен 200-ге дейін арттыратынымызды жеткізгім келеді», - деді Мажарстан Премьер-Министрі.   

Камила Амирова