ҮИИДМБ аясында Қазақстан шет мемлекеттерден 16,6 миллиард доллар инвестиция тартты

«ҮИИДМБ-ның аясында 2010-2014 жылдар аралығында өнеркәсіптің қайта өңдеу секторына 16,6 доллар тікелей инвестиция тартуға мүмкіндік туды. Бұл 2005-2009 жылдар аралығындағы көрсеткіштен 2 есеге көп. Шетелдік инвестициялардың жалпы көлемі 7-ден 12 пайызға дейін өсті», -деді М.Пшембаев.

Мәжіліс депутатының айтуынша,   индустрияландыру бағдарламасының аясында құны 3 триллион теңге болатын 770 жоба іске қосылып, 75 мың жаңа жұмыс орындары игерілген.  2014 жылы 600 миллиард теңгенің 150 жобасы жүзеге асырылып, 12 мың жұмыс орны ашылды.  Осы іске қосылған жобалардың арқасында 4,2 триллион теңгенің өнімі өндірілді.  

Жалпы алғанда, депуттың сөзінше, Индустрияландыру картасының аясында 100 миллиард теңгенің өнімдері өндіріліп, қызметтер көрсетілген.  2014 жылы қайта өңдеу өнеркәсібінің жалпы көлемінің 12,9 пайыз жобалары іске қосылған.