К.Мәсімов: Қазақстанда Қазақстан мен Мажарстанның 50бірлескен кәсіпорны жұмыс істейді

«Қазақстан Республикасы мен Мажарстан арасындағы ынтымақтастық жоғары деңгейге көтерілді. Ал бүгінгі бизнес форум екі елдің бизнес қоғамдастығы арасындағы өзара мүдделестікті білдіреді. Қазіргі уақытта ынтымақтастықты жаңа деңгейге көтеру үшін жақсы жағдай қалыптасып отырғанына сенімдімін», - деді К.Мәсімов.

Оның айтуынша, Қазақстан-Мажарстан бизнес-форумы екі елдің бизнес-қауымдастықтары арасында қызығушылықтың артуын көрсетті.

«Қазақстанда  инновациялар мен өту технологияларына бейімделген ауқымды бағдарламалар жүзеге асуда. Қазіргі таңда 50 Қазақстан мен Мажарстанның бірлескен кәсіпорындары жұмыс істейді. Қазақстан Үкіметі одан әрі бірлескен жобаларды жүзеге асыруға мүдделі. Осы мақсатта Қазақстан Үкіметі нақты әрі тиімді шешім қабылдады. Арнайы экономикалық аймақты жақсартуға арналған топтама әзірленуде», - деді Қазақстан Үкіметінің басшысы.

Қорытындысында К.Мәсімов мажарстандық кәсіпорындар ұлттық экономиканың өңдеу саласынан ауыл шаруашылығы өнімін қайта өңдеу саласына дейінгі саласында жұмыс істей алатындығын айтты.

Камила Амирова