2014 жылы ШҚО-ның ауыл шаруашылығы саласындағы жалпы өнім көлемі 300 миллиард теңгеге жуықтады

1 Сәуір, 2015 19:11

Шығыс Қазақстан облысының ауыл шаруашылығы саласындағы жалпы өнім көлемі 2014 жылы 294 миллиард теңгені құрап, 2013 жылмен салыстырғанда 2,2 пайызға көбейді, деді облыстық ауыл шаруашылығы басқармасының жетекшісі Дүйсембай Селиханов.

«Ауыл шаруашылығындағы индекс көлемі 101,9 пайызды құрады. Өткен жылдың қорытындылары бойынша егіс көлемі 16,7 мың гектарға, оның ішінде дәнді дақылдар алқабы 27 мың гектарға көбейді. Бұған қоса 438 мың гектар алқапта ылғалүнемдеуші технология енгізіліп, 2013 жылғы көрсеткіш 18 пайызға артты», деді ол.

Сондай-ақ басқарма басшысының айтуынша, облыста суармалы жерлер 5 мың гектарға артып, 90 мың гектарға жеткен. Және аймақтағы қолдан суарылатын жер 2014 жылы 8 мың 900 гектарды құраса, тамшылатып суарылатын аймақ 850 гектарға жеткен, бұл 2013 жылмен салыстырғанда 14-те 6,2 пайызға көп. Сонымен қатар аймақта мал саны да артып, 2014 жылы ет өндіру алдындағы жылмен салыстырғанда 6,6 пайызға, сүт өндіру, 2,4 пайызға, жұмыртқа 7,4 пайызға көбейген.

«Сыбаға» бағдарламасының аясында облыс бойынша 1 миллиард теңгеге 5,3 мың бас мүйізді ірі қара сатып алынды немесе жоспар 114 пппайызға орындалды»,-деді Д.Селиханов.

Барлық жаңалықтар