Ақмола облысында бекіре балығын өсіру жобасын жүзеге асыру жоспарлануда

2 Сәуір, 2015 11:19

Ақмола облысының Степногорск қаласында бекіре балығын өсіріп, тұз өндіретін болады, деп хабарлады облыс әкімдігінің баспасөз қызметі.

Степногорск қаласындағы қуаттылығы жылына 60 тонна болатын бекіре тұқымдас балығын өсіріп-өндіру бойынша жоба енгізілген. («Қазақстанның жылыжай технологиясы» ЖШС).

Бүгінде ТЭН (техникалық-экономикалық негіз) ойластырылып, жобалау жұмыстары жүргізілуде, жобаның жүзеге асырылу мерзімі 2016-2017 жылдар.

Оған қоса, 2015 жылы қуаттылығы айына 3 тонна болатын «Астана нан Кемикалз» ЖШС-на «Пестицидтердің су-дисперсті формасын шығару» жобасын жүзеге асыру жоспарлануда.

Сондай-ақ жыл соңына дейін қуаттылығы жылына 30 мың тонна өнім болатын «Акмола Солт Компани» ЖШС «Тұз өндірісі» жобасын жүзеге асыру жоспарлануда. Жоба құны – 235 млн. теңге.

ШОБ дамыту аясында республикалық бюджеттен инженерлік инфрақұрылымды дамытуға 65,2 млн теңге соммасында қаражат бөлінген, ал 2016 жылы 250 млн теңге игеру жоспарлануда.

Барлық жаңалықтар