Қазақстан мен Мажарстан экономиканың әр саласында ынтымақтастық орнатуға келісті

«Бүгiнгi келiссөздердiң дәстүрлі саяси диалогтан өзгеше өткенiмен келiсемiн. Бүгiн ҚР Президентi Нұрсұлтан Назарбаевпен Премьер-министр Виктор Орбанның кездесуi барысында және үкiметаралық кездесулер нәтижесiнде өзара әрекеттестiк өте жоғары деңгейде жасалды деген ойдамын. Бiздiң елдерiмiздің ынтымақтастығына сеп болар ортақ мәселелер өте көп.Бүгiн болашақта жемiсiн көретiн iстер қолға алынды. Бұл жұмысымыздың нәтижесiне жақын уақытта көз жеткiзетiнiмiзге сенiмдiмiн», - дейдi К.Мәсiмов.

Қазақстан мен Мажарстанның ерекше географиялық орналасуы мен халықаралық ұйымдардағы орны «стратегиялық серіктестік пен ынтымақтастық жүргізуде біздің елдерімізге қолғабыс болады», - деді Қазақстанның Үкімет басшысы.

ҚР Премьер-Министрі Кәрім Мәсімов пен Мажарстан Премьер-Министрі Виктор Орбан Қазақстан-Мажарстан стратегиялық кеңесін құру туралы өзара түсіністік жөніндегі меморандумға қол қойды.Бұдан бөлек, ҚР Бас прокуратурасы мен Мажарстан Әділет министрлігі арасында екі ел арасында қылмыстық істер бойынша өзара құқықтық көмек туралы шартты бекітті.

Ал ҚР Білім және ғылым министрлігі мен Мажарстан Ұлттық экономика министрлігі арасында кәсіптік-техникалық білім беру және даярлау саласында ынтымақтастық туралы меморандумға қол қойды.

Камила Амирова