Ақтөбеде Ұлы Жеңістің 70 жылдығына орай республикалық балалар байқауы өтті
1 Сәуір, 2015 20:41
Ақтөбеде «Қазхром» Трансұлттық компания жыл сайынғы «Айналайын-2015» байқауын өткізді. Павлодар Қарағанды және Ақтөбе облысынан жиналған 500 бала байқауда бақ сынады.
«Мен жас таланттар өз өнерлерін шыңдап, жетілдіруге барлық мүмкіндік жасалғанына қуаныштымын», - деді «Қазхром» ТҰК» техникалық мәселелері вице-президенті Олег Привалов.
Аталмыш байқаудың ерекшелігі жанрлық алуандылық. Осы жылы «Театралды жанр, «Вокал», «Қолөнер өнері», «Би», «Көркем өнер» сынды номинацияларға «Ерекше жанр» атауы да қосылды.
Әділқазылар алқасы байқаудың қорытындысын жүргзе отырып, жыл сайын жаңа тұлғалар өсіп келе жатқандығын байқауда.
ІСБ хабарлағандай, осы жылы Ақтөбе облысының Әйтеке би, Байғанин, Мұғалжар, Уіл сынды шалғай аудандарынан балалар қатысты. 16 жыл өткен байқауға 8 мыңнан артық бала қатысқан.
