Қазақстан мен Мажарстан қаржыландырудың ортақ қорын құрады (Фото)

«Мажарстан үшiн Қазақстан - Азияда ең басты әрiптес. Елдер арасындағы сауда-саттық соңғы 5-10 жылда 200 млн. долларға жеткенiмен, оның деңгейi әлi де төмен. Бұл - арадағы әрiптестiктiң әлеуетi әлi жоғары деген сөз. Орталық Еуропа елдерi Еуропа экономикасының қозғаушы күшi ретiнде бағалануда, ал Қазақстан аймақтағы көшбасшы ел ретiнде белгiлi, сондықтан өсiмнiң әлеуетi баршылық», - дедi ол. 

Форум барысында бірқатар меморандумдарға қол қойылады. Ол стратегиялық кеңес құруды қарастырады. «Екінші келісім ортақ қаржыландыру қорын құруға арналады. Қор екі тараптан 20 млн долларды қамтитын болады. Қаржы қоры екі ел компаниялары ынтымақтастығының қаржы негізі қызметін атқарады», - деді ол.

«Мен Exim Bank Қазақстан және  Мажарстанның  ынтымақтасуға ниетті компаниялардың несиелік желісін ашуға тапсырма бердім. Ол желі 50 млн долларды құрайды», - деді ол.

Айта кетейік, бизнес-форумға екi елдiң 300-ден астам бизнес өкiлдерi жиналды. Бүгiн тараптар екiжақты сауда-экономикалық ынтымақтастық мәселелерiн талқылайды. Форум барысында жаңа индустриялық саясаттың аясындағы шетелдiк инвесторларға арналған шаралардың жаңа пакетi таныстырылмақ. 

Камила Амирова

Суретке түсірген Азамт Әлиев