• Басты
  • 2015 жылдың жаңа маршруттары Астананы Орал, Сеул, Тбилиси және Парижбен байланыстырады – ҚР ИДМ
1 Сәуір, 2015 11:42

2015 жылдың жаңа маршруттары Астананы Орал, Сеул, Тбилиси және Парижбен байланыстырады – ҚР ИДМ

Биылғы жылы тікелей авиамаршруттар Астананы Орал, Сеул, Тбилиси және Парижбен байланыстыратын болады.
2015 жылдың жаңа маршруттары Астананы Орал, Сеул, Тбилиси және Парижбен байланыстырады – ҚР ИДМ

Инвестициялар және даму министрлігі хабарлағандай, жаңа бағыттар «Нұрлы жол» бағдарламасына (көліктік логистиканың сәулелік принципі) сәйкес еліміздің көліктік-логистикалық жүйені жетілдіру аясында ашылуда.

Екі бағыт ашылып үлгерілді.

Айталық,  29 наурызда «Эйр Астана» авиакомпаниясы «Боинг-757» әуе кемесімен Астана – Париж бағытында өзінің алғашқы тікелей рейсін атқарды.  Астанадан Парижге беттеген рейсте 71 адам, ал  Парижден Астанаға дейінгі рейсте 54 адам болды. Рейстер аптасына үш рет (сәрсенбі, жұма және жексенбі) атқарылатын болады. Ұшу ұзақтығы – 7 сағат.

Авиамаршруттың ашылуына Қазақстан Республикасы Инвестициялар және даму министрлігінің Азаматтық авиация комитеті бірқыдыру жұмыс атқарды. Өткен жылғы қазан айында Қазақстан және Францияның авиация саласының билік басындағылар келіссөздер жүргізген болатын. Тараптар қазақстандық тасымалдаушылардың тұрақты рейстер атқаруы жөніндегі өзара түсіністік туралы меморандумға қол қойды. 

Сонымен қоса, 29 қазанда «Эйр Астана» авиакомпаниясы күн сайынғы Астана – Орал – Астана авиамаршрутын ашты. Рейстер «Эйрбас-320» және «Эмбраер-190» типті әуе кемелерімен атқарылады. Астана – Орал маршрутының алғашқы рейсінде 85 адам, ал кері қайтар Орал – Астана рейсінде 81 жолаушы болды.   

Мұның сыртында, биылғы жылғы жазда  Астанадан Сеулге және Тбилисиге жаңадан халықаралық бағыттар ашу жоспарлануда.  Тасымалдаушы және сол «Эйр Астана» авиакомпаниясы болады.

 

Барлық жаңалықтар