Т. Құлыбаев: Алматы облысының кез келген ауданы инвестиция тартуға мүмкіндігі жеткілікті (Фото)

Шараның негізгі мақсаты өңірдегі кәсіпкерлікті дамытуда оңтайлы жұмыстар атқару мен табысты нәтижелерге қол жетуде Ұлттық кәсіпкерлер палатасының ықпалы, - деп хабарлайды Алматы облысы әкімінің баспасөз қызметі, деп хабарлады Алматы облысы әкімдігінің баспасөз қызметі.

Отырыс барысында Алматы облысының әкімі Амандық Баталов құттықтау сөз сөйлеп жергілікті кәсіпкерлер палатасымен бірлесіп атқарылатын жобалар жайында баяндама жасады.

Шараның негізгі бөлігінде ҮИИД бағдарламасы аясындағы даму деңгейінің көрсеткіштері талқыланып, отандық өнімдерді өндіру мәселесі сөз болды.

Осы бағытта баяндама жасаған жергілікті кәсіпкерлер палатасының облыстық филиалы директоры Л.Чингисбаева бүгінгі таңда кәсіпкерлікті қолдау мақсатында атқарылып жатқан жұмыстарға тоқталып, әкімшілік кедергілердің болмауы, жергілікті қамту мен мемлекеттік сатып алу, мемлекеттік бағдарламалардың тиімділігі сынды бағыттарда өзінің баяндамасын жасады.

Жиынға қатысушылар тауарды экспортқа шығару мен кадр даярлау мәселесі бойынша, балық шаруашылығын қолдау және фермерлер мектебін ашу сынды бірқатар сұрақтарға ҰКП төрағасының тарапынан нақты жауаптар алды. Жиынды қорытындылай келе Т.Кулибаев Алматы облысының кез келген ауданы инвестиция тартуға мүмкіндгі жеткілікті екендігін және бизнестің әр саласын дамытуда үлкен ресурстарға ие екендігін мәлімдеді.