ҚР Президенттігіне кандидат Н.Назарбаевтың РҚШ-ның мүшелері Үлбі металургия зауытының ұжымымен кездесті
Делегацияның құрамында - Республикалық қоғамдық штабтың басшысы Мұхтар Құл-Мұхаммед, «Нұр Отан» партиясы Төрағасының бірінші орынбасары Бауыржан Байбек, Патриоттар партиясының төрағасы Ғани Қасымов, «Ақжол» Демократиялық партиясының төрағасы Азат Перуашев және басқалар болды.
Өскемен қаласында Үлбі металлургия зауыты тантал өндірісі цехының жұмысшыларымен кездесу өтті.
«Нұрсұлтан Әбішұлы Назарбаевтың жасампаздық қызметінің нәтижесі баршаның көз алдында. Елбасынің ерен еңбегінің жемісі еліміздің инновациялық өнімінің бестен бір бөлігін беретін Шығыс Қазақстан өңірінде де айқын көрінеді. Бұның барлығы кездейсоқтық емес, Ұлт Лидерінің зор еңбегінің нәтижесі.
Біз шығысқазақстандықтардың Мемлекет басшысын қолдауда аса жоғары нәтиже көрсететініне сенімдіміз», - деп атап өтті Республикалық қоғамдық штабтың басшысы Мұхтар Құл-Мұхаммед.
Бұдан кейін зауыт қызметкерлері де Н.Ә. Назарбаевты қолдап сөз сөйледі. «Зауыт жастары біздің Мемлекет басшысының стратегиялық жоспарларын қолдайды және біз осы орасан зор міндеттерді жүзеге асыру үшін барлық күш-жігерімізді жұмсаймыз. 26 сәуірде біздің алдымызда маңызды мақсат – өз болашағымызды таңдау міндеті тұр! Егер елдегі жастар БІЗДІҢ ЛИДЕР сияқты өз ісіне берілген іскер басшыдан үлгі алатын болса, бұл Қазақстандағы табыс пен берекенің кепілдігі болар еді. Нұрсұлтан Назарбаевтың Қазақстанды қуатты, мықты және гүлденген ел қатарына жеткізетіне сенімдімін!», - деп атап өтті сөйлеген сөзінде «ҮМЗ» АҚ-ның жастар бірлестігі кеңесінің мүшесі, бериллий өндірісінің инженері Ринат Құдабаев.
Бұл ірі өндіріс кәсіпорнында сыйымдылығы жоғары тантал түйіршіктері, бериллийден жасалған бұйымдар өндіріледі, атом станциялары үшін отын шығару бойынша толық кезең құрылуда.
«Сіздердің зауыттарыңыз – 65 жылдық өндірістік дәстүрі қалыптасқан бірегей кәсіпорын. Бүгінгі күні мұнда 4000-ға жуық адам еңбек етеді. Естеріңізде болар, осыдан небәрі 20 жыл бұрын елімізде шахталар мен кәсіпорындар жабылып, жалақы мен зейнетақы төленбей, жұмыс та болмаған еді ғой. Елбасының арқасында біз бұл қиын кезеңнен өтіп, мықты мемлекетке айналдық, елімізде орасан зор өзгерістер болды, ал бүгінгі күні осы жауапты, тарихи сәтте Нұрсұлтан Назарбаевқа тағы да өз қолдауымызды білдіретін уақыт келді. Тек қана Елбасымен бірге біз жаңа ұлы жеңістерге қол жеткізе аламыз!», - деп атап өтті Өскемен қаласындағы «ҮМЗ» АҚ-ның тантал өндірісінің жұмысшыларымен өткен кездесу барысында «Нұр Отан» партиясы Төрағасының бірінші орынбасары Бауыржан Байбек.
Сапар барысында РҚШ мүшелері тұрғындардың әлеуметтік қорғалуы мәселелерін үйлестіруші үкіметтік емес ұйымдармен, «Үлбі» Орталық Мәдениет үйінде, оқушылардың Шығармашылық Үйінде және металлургтардың Мәдениет үйінде болып студенттік жастармен және профессорлық-оқытушылар құрамымен кездесті.
Республикалық қоғамдық штабтың баспасөз-қызметі хабарлағанындай Шығыс Қазақстан облысында 20 қоғамдық штаб құрылып, 3000-нан астам сенімді тұлғалар мен жас белсенділер жасақталды.
