СҚО-ның мембасқару органдарында 790 интернет-ресурсы бар

Есепті 2014 жыл ішінде өздерінің қызметінде ақпараттық–коммуникациялық технологияларды (АКТ) қолданатын 3761 ұйым мен мемлекеттік басқару органына зерттеу жүргізілді.

«2014 жылы ұйымдар мен мемлекеттік басқару органдарында 28597 дербес компьютер пайдаланылды, оның ішінен 68,3%-ы жергілікті есептеу желілерінің құрамында болды және 52%-ы Интернет желісіне қатынай алды», - делінген хабарламада.

Интернет желісін негізгі пайдалану мақсаттары – электрондық почтаны жіберу және алу – 58,1% (респонденттердің жалпы санынан), банктік операцияларды жүзеге асыру – 39,6,  мемлекеттік басқару органдарынан ақпарат алу – 37,6, мемлекеттік басқару органдарымен өзара әрекет – 31,6, тауарлар мен қызметтер туралы ақпарат алу – 29,9% және басқалар.

Ақпараттық-коммуникациялық технологияларға арналған жалпы шығындар
1320,5 млн. теңгені құрады. АКТ-ға негізгі шығын есептеуіш техникасын сатып алуға – 32,8%, байланыс қызметіне ақы төлеуге – 32,4 және ақпараттық технологиялармен байланысты сыртқы ұйымдар мен мамандардың қызметтеріне ақы төлеуге – 20,2% жұмсалды. Қаржыландырудың негізгі көзі – ұйымдар қаражаты (44,4%).