• Главная
  • Астанада өтетін парадқа музыкалық сүйемелдеуді 250-ге жуық музыкант қамтамасыз етеді (Фото)
31 марта, 2015 17:31

Астанада өтетін парадқа музыкалық сүйемелдеуді 250-ге жуық музыкант қамтамасыз етеді (Фото)

Ұлы Отан соғысындағы Жеңістің 70 жылдығы құрметіне арналған әскерлер парадын музыкалық сүйемелдеуді ҚР Қорғаныс министрлігі құрама оркестрінің 250-ден астам әскери музыканты қамтамасыз етпек.
Астанада өтетін парадқа музыкалық сүйемелдеуді 250-ге жуық музыкант қамтамасыз етеді (Фото)

Қорғаныс министрлігі хабарлағандай, оның құрамында ҚР ІІМ Ұлттық ұланының 25 әскери қызметшісі бар. ҚР ҚМ Әскери-орекстрлік қызметі орындайтын шығармалар репертуарын бекітті.

«Бізге жүктелген барлық жауапкершілікті сезіне отырып, біз парадқа арналған музыкалық әуендерді мұқият іріктедік. Біз орындаған шығармалар парадтың қимылын толықтырып қана қоймай, әкелеріміз, аталарымыз бен бабаларымыз сыйлаған Жеңістің рухын, мерейтойдың және ұлы ерліктің маңыздылығын көрсеткенін қалаймыз», - деп ҚР ҚМ Әскери-оркестрлік қызметінің бастығы майор Тимур Жартыбаев атап өтті.

Парадтың тарихи бөліміне қатысушылар көптеген шерулерде ел жүрегіне жол тапқан, Ұлы Жеңістің нышаны болған - «Прощание славянки», «День Победы», «Баллада о солдате», «Катюша» марштарының әуенімен адымдайды. Парадтың заманауи бөлімінде отандық сазгерлердің музыкалық композициялары шырқалады. Әскери оркестрлер - кез-келген әскери парадтың ажырамас бөлігі.

Олар ерекше салтанаттылық ахуалын қалыптастырып, мерекелік көңіл-күй сыйлайды, әр нотасымен Отанға деген жоғарғы патриоттық сезім мен сүйіспеншілікті оята отырып, парадтың жаяу және механикаландырылған лектерінің қозғалысына ырғақ пен қарқын береді. Қазіргі уақытта әскери музыканттар күні ертең басталатын бірлескен жаттығуларға кірісуге дайын.