Қызылордада 56 көшенің жөнделуіне 270 млн теңге бөлінді

1 Сәуір, 2015 08:52

Қала әкімі Нұрлыбек Нәлібаев облыстық орталықты жарықтандырудың жұмыс жоспарын мақұлдады, деп хабарлады облыс әкімдігі.

Ағымдағы жылы Қызылорда қаласында облыстық бюджеттен бөлінген 188 млн теңгеге қала аумағындағы 14 көшенің 17,3 шақырымы түнгі жарықпен қамтамасыз етіледі, деп хабарлайды қала әкімдігінің баспасөз қызметі.

2015 жылға қалалық бюджеттен қала көшелерін орташа және ағымдағы жөндеуге 270 млн теңге бөлінді. Аталмыш қаржығажалпы ұзындығы 9,3 шақырым құрайтын 16 көшеге орташа жол жөндеу жұмыстары және 40 көшеге ағымдағы жөндеу жұмыстары жүргізіледі.

Сонымен қатар, қаланың шет аймақтарының инфрақұрылымын жаңғырту мақсатында С. Торайғыров көшесіне ұзындығы 4,8 шақырымды құрайтын (Қорқыт Ата көшесінен Хон Бен До көшесіне дейін аралығында) О. Сүлейменов көшесіне (Шымбай көшесінен Айтбаев көшесіне дейін) ұзындығы 1,5 шақырым құрайтын көшелерге қайта жаңғырту жұмыстарын жүргізу жоспарлануда.

Барлық жаңалықтар