ERG Павлодар облысының әлеуметтік және экономикалық жобаларын қаржыландырады

«ERG тобына Павлодар облысының өнеркәсіптік әлеуетін құрайтын ірі жүйеқұраушы кәсіпорындар кіреді. Биыл ізгі дәстүрді жалғастыра отырып, Еуразиялық Топ Павлодар облысы үшін маңызды экономикалық, инфрақұрылымдық, әлеуметтік және мәдени жобаларды қаржыландыруға 1,75 млрд теңге көлемінде қаржы бөлді. Меморандум аясында біз білім беру мекемелеріне, әлеуметтік қамсыздандыру саласына, мәдениет объектілеріне, спорт пен елді мекендерді абаттандыруға қолдау көрсетуді жоспарлап отырмыз», - деп атап өтті облыс әкімі Қ.Бозымбаев.

Әлеуметтік жобалар ішінде келесі маңызды ірі жобалар бар: трамвай вагондарын сатып алу, Ақсу қаласында жабық хоккей корты құрылысын жүргізу, Балалар шығармашылық үйі спорт залына күрделі жөндеу жасау, Павлодар қаласы №4 мектеп ғимаратына күрделі жөндеу жұмыстарын жүргізу, аулаішілік аумақтарды абаттандыру және т.б. 

Сонымен қатар облыстың білім беру және мамандандырылған балаларға арналған мекемелеріне демеушілік көрсету, ардагерлер мен аз қамтылған топтарға қолдау жасау өз жалғасын табатын болады.

Биыл мүмкіндігі шектеулі балаларға арналған облыстық оңалту орталығы, жартылай стационар бойынша әлеуметтік қызмет көрсету үшін қарттар мен мүгедектерге қайырымдылық көмек бағыттау жоспарланып отыр. Ақсу қара металлургия колледжінің материалдық-техникалық базасын жабдықтау, сондай-ақ Ақсу қаласының мәдени және ойын-сауық орталығына музыка және кино тарату жабдықтарды сатып алуда көмек көрсетілетін болады. Естеріңізге сала кетейік, өткен жылғы Меморандум аясында аталған орталыққа жаңғырту жұмыстары жүргізілген еді. Енді Ақсу қаласына қарасты кентте кинотеатр жұмысы жасайтын болады.

Сондай-ақ тұрғындарды спортпен шұғылдануға белсенді тарту мақсатында облыста спорт салаларын дамыту мен насихаттауға біршама қаражат бөлінеді. 

Қаржыландыруды «ERG Көмек» КФ және «Қазақстан алюминийі» АҚ жүзеге асыратын болады.

Айта кетейік, 2014 жылғы Меморандум бойынша өңірге 2 283,26 млн. теңге сомасында қаражат бөлінді.