• Басты
  • Петропавлдағы балабақшалардан биыл 1 мың 500 жаңа орындар ашу жоспарлануда
31 Наурыз, 2015 15:39

Петропавлдағы балабақшалардан биыл 1 мың 500 жаңа орындар ашу жоспарлануда

Солтүстік Қазақстан облысының әкімі Ерік Сұлтанов Петропавлдағы 6 балабақшаның құрылыс жұмыстарымен танысты, деп хабарлайды аймақ әкімдігінің өкілдері.
Петропавлдағы балабақшалардан биыл 1 мың 500 жаңа орындар ашу жоспарлануда

Жұмысшылар ауылындағы 320 орындық мектепті «СевКазЭнерго» акционерлікк қоғамы салуда. Қазіргі таңда мұнда жаңа ғимараттың инфрақұрылымдары жүргізілуде. Ал құрылысқа қолданылып жатқан материалдардың барлығы отандық өнім. «СевКазЭнерго» компаниясының директоры Леонид Ларичевтің айтуынша, нысан алдын ала жоспарланған мерзімде, яғни биылғы жылдың желтоқсанында пайдалануға беріледі.

Осыған қарай облыс басшысы құрылысты 15-ші желтоқсанға дейін аяқтауды тапсырып, компания өкілдеріне атқарып жатқан жұмыстары үшін алғысын білдірді. Алматы көшесінің бойында 280 орындық балабақшаның ғимаратына арналған орын қоршалып, материалдар жеткізіліп, қажетті жұмыстар атқарылуда. Бұл балабақша биылғы жылдың қараша айында дайын болады деп күтілуде.   

«Рижская көшесінің бойында салынып жатқан 200 орындық балабақшаның екінші қабатын салу жұмыстары басталды. «Петрострой-Люкс» ЖШС директорының орынбасары Артем Кошиковтың айтуынша,  балабақшаның төменгі және бірінші қабаты мен кәріз жүйесін орналастыру жұмыстары аяқталды. Жазда ғимараттың іші-сырты жөнделеді»,-делінген хабарламада.    

 

2015 жылы бұл аймақта ғимараттар салу мен барларын қайта жөндеуден өткізу жұмыстарының нәтижесінде облыс орталығындағы балабақшалардан жаңа 1 мың 500 орын ашу жоспарланып отыр. Жылдың соңына дейін облыс бойынша балаларды мектепке дейінгі мекемелермен қамту деңгейі 96 пайызға, ал Петропавл қаласы бойынша 86 пайызға жетуі керек.  

 

 

 

Барлық жаңалықтар