2015 жылы Қазақстандағы ауыл шаруашылығы дақылдарының егіс көлемі 21,5 миллион гектарды құрайды

«Облыстардың ауыл шаруашылығы басқармаларының алдын ала мәліметтері бойынша, 2015 жылы ауыл шаруашылығы дақылдарын 21,5 миллион гектар жерге егу жосарланып отыр, бұл 2014 жылғы көрсеткіштен 0,1 миллион гектарға көп»,-деді ол.

Сондай-ақ вице-министрдің айтуынша, көктемгі егіс көлемі 18,5 миллион гектарды құрамақ. Олардың арасында дәнді дақылдар 15,2 миллион гектарға егіледі. Ал бидай алқабының көлемі 12,2 миллион гектар болады деп жоспарлануда.

Бұған қоса С.Омаровтың айтуынша, егіс алқабын артараптандыруды ынталандыру мақсатында Ауыл шаруашылығы министрлігі бірқатар шараларды қолға алды. Нақтырақ айтқанда, бидай өндіруді субсидиялау нормалары қысқартылып, осының есебінен өзге басым бағыттағы дақылдарға бөлінетін субсидия  мөлшерін арттыруға мүмкіндік туды.   

«Биылғы жылы бидайдың егіс алқабы 235 мың гектарға (2 пайыз), күріш – 8,5 мың гектарға (9 пайыз), қысқартылады. Есесіне мал азығы, бұршақ, жарма дақылдарының егіс алқабы 104 мың гектарға (4 пайыз) көбейеді. Майлы дақылдарға 2,2 миллион гектар бөлінген, мал азығы дақылдарын 3,7 миллион гектарға, яғни 349 мың гектарға көп егу жоспарланып отыр»,-деді С.Омаров.  

Индира Кауметова