• Басты
  • «Оңтүстік» ӨңҚ әскери бөлімдері жауынгерлік әзірлікке келтірілді
31 Наурыз, 2015 20:24

«Оңтүстік» ӨңҚ әскери бөлімдері жауынгерлік әзірлікке келтірілді

«Оңтүстік» өңірлік қолбасшылығының әскери бөлімдерінде ауқымды оқу-жаттығулар басталды. 30 наурыз бен 4 сәуір аралығында, яғни бір апта бойы ұдайы дабыл бойынша 450-ден аса әскери қызметші шартты жауынгерлік әзірлікке келтірілетін болады.
«Оңтүстік» ӨңҚ әскери бөлімдері жауынгерлік әзірлікке келтірілді

Қорғаныс министрлігі хабарлағандай, оқу-жаттығу барысында жеке құрамнан белгіленген уақыт ішінде жауынгерлік жүйеге өтуді, қолдағы бар қару-жарақтар мен әскери техникаларды әскерлер орналасқан шартты жерге жөнелтуді жедел орындау талап етіледі.

Осындай іс жүзіндегі жаттығулар әскери қызметшілердің ұжымдық рухын нығайтып, оларды жинақылыққа баулиды. Бұл жерде әр жауынгер команданың бір бөлшегі ретінде айла-тәсілін пысықтап, жеке құрам үшін сапалы және тиімді жетістіктерге жету үшін маңызды жауынгерлік әзірлікті көрсетеді.

Оқу-жаттығулар бөлім командирлері үшінде маңызды шара саналады. Командирлер атқаратын міндеттер қатарына жеке құрамды сауатты басқару ғана емес, сонымен қатар, арнайы шартты жауынгерлік операцияларды орындау барысында әскери қызметшілердің салауатты моральдық-психологиялық жай-күйін ұйымдастыру да кіреді.


 

Барлық жаңалықтар