Өскеменде «Жас Отан – Саламатты Қазақстан» акциясы өтті (Фото)

31 Наурыз, 2015 20:42

Өскеменде «Жас Отан – Саламатты Қазақстан» ұранымен акция ұйымдастырылды. Акция аясында 5 командаға бөлінген студенттер спорттық эстафетаның 10 түрінен сайысып, өзара мықтыны анықтады, деп хабарлайды ШҚО Ақпараттық орталығы.

Жасотандықтар акцияны Өскемен қаласы әкімдігінің жастар орталығымен бірлесе өткізді. Сайыста шаһардағы белді ҚАЕУ, «Квансон» қазақ-кәріс, Абдуллиндер атындағы өнер, экономика және қаржы, Өскемен құрылыс колледжі сынды белді 5 оқу орындарының студенттері қатысты.

Өскемен қаласының «Жастар орталығы» КММ жетекшісі Ринат Ахметжановтың айтуынша, аталмыш мазмұндағы спорттық шара жыл сайын ұйымдастырылуда. Айта кету керек, биылғы спорттық сайыс 10 түрлі эстафетасымен ерекшеленіп отыр.

Колледждер арасындағы мұндай сайыс қала жастарының бір-бірімен танысып, достасуына мұрындық болып отыр. Жастар сайыса келе салауатты өмір салтын сақтауды үйренеді. Өз басым достық жалауын көтерген мұндай жарыстар жылына 2-3 реттен өткізілгені дұрыс деп білемін, – деді қатысушы Алекс Беккер.

Сайыс қорытындысы бойынша, 1 орынды «Квансон» колледжі иеленсе, 2-ші және 3-ші орынға өзара өнер мен экономика және қаржы колледждері бөлісті. Жүлдегер коледждерге сайыс кубогі табыс етіліп, қатысушы студенттердің барлығына арнайы сыйлықтар таратылды.

Барлық жаңалықтар