Маңғыстау облысында «Atameken Startup Weekend Aktau» бизнес-идея байқауын «Жас құтқарушылар» жобасы жеңіп алды

8 Қазан, 2013 13:38

2013 жылдың 27-29 қыркүйек аралығында «Atameken Startup» ҚҚ «Атамекен» Кеңесі» Қазақстанның Ұлттық экономикалық палатасының көмегімен бастауыш кәсіпкерлер арасында «Atameken Startup Aktau» бизнес-идея байқауын өткізді, деп хабарлайды «Даму» кәсіпкерлікті қолдау Қорының баспасөз қызметі.

«Байқауды жаяу жүргіншілерге арналған құтқару жилеттерін енгізу бойынша «Жас құтқарушылар» жобасы жеңіп алды. Жоба 10-13 жас аралығындағы белсенділер тарапынан дайындалған», - делінген хабарламада.

Үш күн ішінде 36-дан астам байқау үміткері өздерінің бизнес ашудағы ойларымен бөлісті. 54 сағат ішінде «шикі» идеялардың авторлары Алматы, Астана, Атырау мен Ақтаудан келген білікті жетекшілердің көмегімен өз ойларын бизнес-план етіп дамытты.

Қордың таратқан мәліметі бойынша, ақтық сынға 16 мәрешілер командасы жеткен. Олардың жобалары био-пакет өндірісі, жылыжайда гүл өсіру,қоғамдық әжетханалар ашу, сән үйі, жаяу жүргіншілерге арналған құтқару жилеттерін шығару, 1-3 сынып аралығындағы балаларға үйірмелер ашу мен шұжық цехін ашуға бағытталған.

Барлық жаңалықтар