• Басты
  • «Батыр арулар» байқауына қатысу үшін 200-ден артық өтініш келіп түсті – Қорғаныс министрлігі
30 Наурыз, 2015 20:24

«Батыр арулар» байқауына қатысу үшін 200-ден артық өтініш келіп түсті – Қорғаныс министрлігі

Әскери қыз-келіншектер арасындағы «Батыр арулар» байқауына қатысушылардан анкета-өтініштерді қабылдау 31 наурыз күні аяқталады, деп хабарлады Қорғаныс министрлігі.
«Батыр арулар» байқауына қатысу үшін 200-ден артық  өтініш келіп түсті – Қорғаныс министрлігі

1 сәуірден бастап ҚР Қорғаныс министрлігінің сайтында әскери кәсіптің ең үздік өкіліне арналған ашық дауыс беру басталады

Дауыс берудің әділ өтуін қамтамасыз ету мақсатында сайтқа кіруші IP-мекен-жайы бойынша бір рет дауыс бере алады. Байқау жеңімпазы жинаған дауыс санының көптігі бойынша анықталады. Номинанттарға дауыс беру on-line жүйесінде іске асырылады, дауыстар өздігінен сайттың web-парақшасында көрінеді, ал бұл өз кезегінде дауыс беру барысын және әр қатысушыға берілген дауыс беру санын мұқият бақылауға мүмкіндік береді.

Қазіргі уақытта ұйымдастыру комитетіне еліміздегі әскери бөлімшелерден 200-ден астам өтініш келіп түсті. Бірінші кезеңде конкурсқа жіберілген өтініштер іріктеліп, екінші кезеңде дауыс беруге жіберілген  қатысушылардың есімдері белгілі болады.

Естеріңізге сала кетсек, Қазақстан Республикасы Қорғаныс министрлігінің бастамасымен өтетін «Батыр арулар» байқауы қыз-келіншектер арасында әскери қызметті дәріптеу мақсатында ұйымдастырылып отыр. Байқауға Қазақстанның барлық өңірінен ҚР Қарулы Күштерінде жұмыс істейтін және отставкадағы әскери қызметші әйелдер қатысады.

 Ашық дауыс беру қорытындысы бойынша ҚР Қарулы Күштеріндегі әскери кәсіптің 12 үздік өкілі анықталады. Жеңімпаздар халыққа танылып қана қоймай, 2016 жылғы «Батыр арулар» арнаулы күнтізбесіне суреттерін жариялау мақсатында кәсіби фотосессияларға қатысу мүмкіндігіне ие болады.

 

 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды