Павлодар облысында туризмді дамытудың басым бағыттары нақтыланды
Тұжырымдамамен туризмді дамытудың өңірлік мастер-жоспарларын қысқа мерзімді және ұзақ мерзімді песпективаға әзірлеу қажеттілігі белгіленді.
Павлодар облысының туризмін кластерлік дамыту мастер-жоспарын әзірлеу үшін облыстық бюджеттен 16 млн.теңге қаражат бөлінді.
Аталмыш мастер-жоспар 7 бөлімнен тұрады: туристік кластердегі ағымдағы жағдайды талдау, туристік кластердің перспективті сегменттерінің дамуын бағалау, Павлодар облысының туристік кластерін дамыту жоспары, туристік кластерді қалыптастыру мен оны ілгерілетудің кезеңдік тетігі, Павлодар облысы туристік кластерінің мастер-жоспарын іске асыру жөніндегі әдіснамалық ұсынымдар.
Павлодар облысында туримзді дамыту жергілікті тұрғындар үшін жаңа жұмыс орындарын құруға мүмкіндік береді. Туристік кластердің барлық элементтерінің тиімді жұмысы облыс бюджетін толтыруға, айналымға қосымша капиталдарды тартуды жетілдіруге көмек береді.
Сонымен қатар, кластердің іске асуы мәдени-тарихи ескерткіштерді, қорықтарды сақтауға, экологиялық жағдайды сауықтыруға, қызметтер саласын дамытуға, облыс инфрақұрылымын жетілдіруге мүмкіндік береді.
