2015 жылы «Нұрлы жол» бағдарламасы бойынша Ұлттық қор қаржысы есебінен 34 мектеп салынады
«Ұлттық қор қаржысы есебінен «Нұрлы жол» бағдарламасы бойынша 34 мектеп, 17 балабақша салынады, сондай-ақ «Балапан» бағдарламасы бойынша балабақшаларда балаларды күтіп-бағу мен оқытуды субсидиялауға 12 млрд теңге бөлінеді», - деп мәлімдеді вице-министр.
Сондай-ақ Даленов атап өткендей, шағын бизнес 10 жыл мерзімге 6% жарнамен арзан несиелерге қол жеткізеді.
«ШОБ жобаларына Ұлттық қордан 50 млрд теңге, өңдеуші өнеркәсіптегі ірі кәсіпорындарға мерзімі мен жарнасы дәл сондай жағдайда 50 млрд теңге, оған қоса барлық қаржының 50%-ы жаңа жобаларға, 25%-ы ескі жобаларды қайта қаржыландыруға, 25% -ы айналым қаржысына жұмсалады», - деп түсіндірді ол.
Сонымен қатар, вице-министр атап өткендей, агроөеркәсіп кешеніне де басты назар аударылуда.
«Субсидияға қатысты басты назар АӨК-не бөлінуде, ол жақта субсидияны тек мал шаруашылығы ғана емес, сондай-ақ қаржы сауықтыруға, АӨК субъектілері алған несиелерді ұзартуға жұмсалады», - деді Р. Даленов.
Индира Кауметова
