Астанада Оңтүстік Кореяның жетекші мамандары инсультті емдеудің заманауи технологиясы бойынша мастар-класс өткізеді
8 Қазан, 2013 11:07
2013 жылдың 8-11 қазаны аралығында Астанада №1 қалалық ауруханада Оңтүстік Кореяның жетекші мамандары «Инсультті емдеудің заманауи технологиялары мен инсульт орталықтарын ұйымдастыру» тақырыбы бойынша мастер-класс өткізеді, деп Астана қаласының денсаулық сақтау басқармасы хабарлады.
«Мастер-класс қазақстандық дәрігерлерді оңтүстіккореялық тәжірибеге бейімдеп, инсультті емдеу саласының заманауи технологияларын меңгертуге бағытталған», - деп басқарма хабарламасында нақтыланған.
Шара барысында профессор Ли мен Ким Астана қаласының №1 аурухананың дәрігерлеріне нейрохирургиялық ота жасаудың тәжірибесін көрсетеді.
«Аталмыш шараның өткізілуі халыққа медициналық көмек көрсетудің сапасын арттырып, халықаралық пішінге сай қызмет істеуге бағыттайды», - деп хабарламада жазылған.
Мастер-классты Донгсан Медициналық орталығының Кеменг Университеті өткізуде. Оның құрамында профессор Ли Чанг Янг, Ким Чан Юн, нейрозирург-дәрігер Чанг Санжин бар.
