KAZENERGY платформасында мұнай-газ саласында жергілікті қамтамасыз етуді дамыту мәселесі талқыланды

8 Қазан, 2013 10:45

Кеше, 7 қазанда Астанада KAZENERGY VIII Еуразиялық Форумы аясында «Жергілікті қамтамасыз етуді дамытудың халықаралық және үздік тәжірбиелері» атты семинар өтті. Кездесу кезінде халықаралық тәжірбиелер қаралып, мұнай-газ саласындағы жергілікті қамтамасыз етуді дамыту мәселесі талқыланды, деп хабарлайды KAZENERGY Қауымдастығының баспасөз қызметі.

Шараның ұйымдастырушысы KAZENERGY Қауымдастығының өкілі, Дүниежүзілік мұнай кеңесі жанындағы Қазақ Ұлттық комитеті.

«Дүниежүзілік мұнай кеңесі алғаш рет Қазақстанның бастамасымен аймақтық дәрежеде жергілікті қамтамасыз ету мәселесін көтеріп жатқандығы есте қаларлық оқиға. Ұйымдастырушылардың айтуынша, жаһандық мұнай саласында жергілікті қамтамасыз ету мәселесі, әсіресе біздің елімізде үлкен маңызға ие. Астана тәжірибесін Халықаралық ұйымдар хатшылығы Уругвай, Испания мен Ұлыбритания семинарларында қабылдауға ниетті», - делінген хабарламада.

Семинарға ҚР Мұнай және газ министрі Ұзақбай Қарабалин, Дүниежүзілік мұнай кеңесі бас вице-президенті Йокеф Тот, ҚР Индустрия және жаңа технологиялар вице-министрі Нұрлан Сауранбаев, Бразилия мұнай Институты хатшылығының міндетін атқарушысы Антонио Гумараеш пен Латын Америка, Еуропа және Африка елдерінің Дүниежүзілік мұнай кеңесі жанындағы ұлттық комитеттер өкілдері қатысты.

Хабарламада айтылғандай, дөңгелек үстелде халықаралық тәжірбие мен инновация, мұнай-газ саласындағы жергілікті қамтамасыз етуді дамыту мәселелелері қаралды.

Барлық жаңалықтар