Көкшетауда «Бірлік - тірліктің бастауы» атты көрме өтті

26 Наурыз, 2015 11:13

Көкшетауда Балалардың бейнелеу өнері мектебі оқушыларының шығармашылығының көрмесі өтті, деп хабарлайды «Ақмола Медиа Орталығы».

Шараны Ақмола облыстық дін істері басқармасының құзырындағы «Консфессияаралық қатынастарды дамыту мен талдау орталығы» ұйымдастырды. Қазақстан халқы Ассамблеясының 20 жылдығына арнайы ұйымдастырылған «Бірлік-тірліктің бастауы» атты көрме Достық үйінде өтті.

Шараның мақсаты – елімізде конфессияаралық келісімді нығайтып, жастарды шығармашылық және өнер арқылы рухы биік, адамгершілікке қасиеттерге бай азамат етіп тәрбиелеу. Қазақстанда бүгінгі таңда 130-дан астам этникалық және 18 конфессиялық топ бар. Бүгінде әлем мойындап отырған Қазақстанның конфессияаралық келісімінң үлгісі гуманизм ұстанымдарына, өзара құрмет пен патриотизмге және азаматтық жауапкершілікке негізделген.

Хабарламада сондай-ақ, бүгінгі таңда жастарды еліміздің басты құндылықтары бірлік, бейбітшілік пен келісімді бағалай білуге тәрбиелеу өте маңызды екендігі айтылған.

Барлық жаңалықтар