Қазақстанда азық-түлік бидайының сатып алу бағасы 28 мың теңгені құрады

«Үкімет отырысында астықтың мемлекеттік ресурстарына «Азық-түлік келісімшарт корпорациясы» Ұлттық компания» АҚ сатып алынатын азық-түлік бидайының бағасы ҚҚС төлеушілер үшін   1 тоннасына 28 мың теңге, ҚҚС төлемеушілерге 1 тоннасына 25 мың теңге көлемінде белгіленді», - деп хабарламада нақтыланған.

Мемлекеттік ресурстарға сатып алынатын астықтың сапа көрсеткіштері: жаратылысы – 710 г/л және одан жоғары, басқа сапа көрсеткіштері – ҚР СТ 1046-2008 «Бидай. Техникалық жағдайлар» 3 сынып үшін нормалардан төмен емес. 

Айта кетерлігі, астықты мемлекеттік ресурстарға 2013 жылғы егіннен сатып алу азық-түліктік астықтың мемлекеттік резервін жаңарту, азық-түлік қауіпсіздігін,  астық нарығын жедел реттеу және республиканың мобилизациялық қажеттілігін қамтамасыз ету мақсатында жүзеге асырылады.

Қазіргі уақытта мемлекеттік астық ресурсына жеткізілетін астықтың сатып алу бағасын бекіту туралы Қазақстан Республикасы Үкіметінің қаулы жобасы мүдделі органдарда келісу процедурасын өтуде.