Астанада «Дүниежүзілік мұнай конгресі-2017» өткізуге арналған өтініштерді қолдау мақсатында «Құрақ көрпе» акциясы өтуде

«Аталмыш акция «Дүниежүзілік мұнай  конгресі-2017» Ұлттық комитеті имидждік стендіне халықтың назарын аудару  мақсатында ұйымдастырылуда. Стендте «Дүниежүзілік мұнай конгресі-2017» Ұлттық  комитетінің логотипі салынып, ондағы мата кенеппен көмкерілген. Стенд алдындағы үстелге алдын ала дайындалған мата қиындылары мен ағылшын түйреуіштері қойылады. Шараға қатысушылар мата қиындыларын түйреуішпен «Дүниежүзілік мұнай конгресі-2017» Астанада өткізілуінің  қолдау  белгісі ретінде мата қиындыларын белгіленген жерге түйреп қояды», - делінген хабарламада.

Әйелдердің Энегетикалық клубы қатысушылары «Құрақ  көрпені» құрай отырып нәзік жандылардың сезімін, үміті мен сенімін суреттей  алады.

Сонымен қатар, акция соңынан әйелдер қауымдастығына қолдау көрсету мақсатында алғаш рет KAZENERGY VII Еуразиялық Форумы аясында «Энергетиканың  тұрақты  дамуындағы әйелдердің орны»  Әйелдер Энергетикалық Клубының бірінші  отырысы өтеді.