Қазақстанда жасалған: Көкшетауда Наурыз мерекесінің қарсаңында жәрмеңке өтті
24 Наурыз, 2015 10:04
Көкшетауда Наурыз мерекесінің қарсаңында ауыл шаруашылығы жәрмеңкесі өтті, деп хабарлайды Ақмола облысының ішкі саясат басқармасына қарасты «Ақмола Медиа Орталығы».
«Қазақстанда жасалған» акциясының аясында тұрғындарға өздерінің өнімдерін Атбасар, Аршалы, Жақсы аудандарының ауыл шаруашылығы саласының өкілдері ұсынды.
Жәрмеңкеге сондай-ақ облыс әкімінің бірінші орынбасары Кәдірхан Отаров пен Көкшетау қаласының әкімі Ермек Маржықбаев қатысты.
Жәрмеңкеге шығарылған барлық тауарлар нарықтағы бағадан 15-20 пайызға кем болды. Мұнда келген барлық азаматтар кез-келген азықтың дәмін татып, оның сапасына баға бере алады.
