• Басты
  • ҚР СІМ-де дипломаттарды оқыту саласындағы ынтымақтастық туралы келісім шартқа қол қойылды
20 Наурыз, 2015 12:03

ҚР СІМ-де дипломаттарды оқыту саласындағы ынтымақтастық туралы келісім шартқа қол қойылды

ҚР Сыртқы істер министрі Ерлан Ыдырысов, Мемлекеттік қызмет саласындағы өңірлік хабтың Басқарушы комитетінің төрағасы Әлихан Бәйменов және ҚР Президенті жанындағы Мемлекеттік басқару академиясының ректоры Болатбек Әбдірасілов ҚР СІМ, Мемлекеттік қызмет саласындағы өңірлік хаб және ҚР Президенті жанындағы Мемлекеттік басқару академиясы арасында дипломаттарды оқыту саласындағы ынтымақтастық туралы үш жақты келісімшартқа қол қойды.
ҚР СІМ-де  дипломаттарды оқыту саласындағы ынтымақтастық туралы келісім шартқа қол қойылды

ҚР Сыртқы істер министрлігінде хабарлағандай, сыртқы істер министрлігінде өткен қол қою рәсімі барысында Е. Ыдырысов бұл келісімшарт бірлескен ғылыми, ағартушылық және зерттеу жұмыстарының негізін қалап, кәсіби дипломатиялық кадрларды даярлау мәселелерінде Қазақстанның өңірлік лидер ретіндегі оң имиджін көтеруге септігін тигізеді. «Бұл келісімшарттың ерекшелігі сонда, Қазақстан енді өңір елдерінің ұлттық кадрларын дамыту ісіне көмек көрсететін болады. Тәжік тарапымен қол жеткізген уағдаластықтарға сәйкес, ҚР Мемлекеттік басқару академиясының Дипломатия институтында екі тәжік дипломаттар дәріс алатын болады. Бұл Қазақстанның өңірдегі белсенді ролін растайды», - деп атап өтті ол.

Ә. Бәйменов Мемлекеттік қызмет саласындағы өңірлік хаб мақсаттарының бірі өңірдегі мемлекеттердің кадрлық әлеуетін жақсартуға қолдау көрсету болып табылады деп айтты. «Тәжік дипломаттарының Академияда оқуы қазақстандық дипломатия ролінің өрістеуін және көрші елдеріміздің Өңірлік хаб қызметіне қызығушылығының артуын білдіреді. Хаб өңірдегі елдердің ұлттық кадрларын даярлау саласында өз дамуының жаңа сатысын бастады деуге болады», - деп, бүгінгі таңда Хаб жұмысына 30 мемлекет және 5 халықаралық ұйым қатысуда деп атап өтті.

«Бұл құжатқа қол қоюдың маңызы зор, ол Академия қызметінде жаңа жобаны дамыту мүмкіндігін ашады. Біздің білім беру мен ғылыми-зерттеу жұмыстарымыздың деңгейі көршілес елдер үшін тартымды. Біз СІМ және Өңірлік хабпен ынтымақтастығымызды одан әрі дамытуға дайынбыз», - деп атап өтті Б. Әбдірасілов.

Келісімшартта келесі салалар басымды болып анықталды:ҚР Президенті жанындағы Мемлекеттік басқару академиясының Дипломатия институтында «халықаралық қатынастар» мамандығы бойынша өңірдегі мемлекет қызметкерлеріне оқу гранттарын беру,сыртқы саясат саласында мамандар дайындаудың қазіргі заманға сәйкес әдістерін жасау мен енгізу;ақпараттық-сараптау материалдармен, оқулықтармен алмасу, дипломатиялық кадрларды дайындау әдістерін кемелдендіру мәселелері бойынша консультациялар жүргізу,  өзара мүдделілік білдіретін ғылыми зерттеулер мен жобалардың бірлескен дамуына қолау көрсету, сарапшыларды, оқытушыларды алмасу.Конференциялар, семинарлар, дөңгелек үстелдер және т.б. шараларға қатысу.

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды